Il "dialett" può dar vita a poesie davvero suggestive...

Pensee che gora föra dal cò
ai sa sent prisunee, in un mund pinin
j’è lì pien da pagür, mezz stremi­zii
cun ra vöia da varcà, na mügia da cunfin j’è lì,
i sa miga si deev nà o stà!
I sa sent indoss ra vöia d’emigrà
senzazion, emuzion, vers l’infiii
pensee chi sent ra vuus di so radis
ul riciam d’una tèra che vöö te­gnii lì
imprisunaa, ligaa ai regord dar pasaa
l’è tardi, ul temp l’è strecc, in duva i và
pensee che turna indre, in dal so mund
per saras denta in una güsa da nuus
anima e cöör che tacalit cui pen­see
i vöö miga rasegnass, da vèss im­prisunaa
mür, cunfin e barrier i dà miga ra libertà
tütt s’dev rinüncia,
per l’amur d’una tèra che tantu l’à daii,
in un mund pinin

FRANCESCO GILARDI